節氣

二十四節氣係按太陽喺黃道上嘅位置分嘅二十四段，每段大約十五日；十二個「節」用嚟定月建。

節氣分「節」同「氣」兩種，交替出現：立春（節）、雨水（氣）、驚蟄（節）、春分（氣）……如此類推。定月建（即係月干支）只睇十二個「節」，中氣唔換月建——所以立春先至係干支年嘅開始，唔係農曆年初一。

節氣係太陽位置決定，所以佢喺公曆上嘅日期好穩定（清明多數 4 月 4–6 日），反而喺農曆上會浮動。

本站嘅節氣日期跟香港天文台對照表；交節嘅準確時刻另外用天文演算法求，只用嚟判斷同一日之內邊個先邊個後，唔會覆寫官方嘅日期。

站上邊度見　今日頁「日課」嗰格、月頁格內嘅紅字。

出處

香港天文台《公曆與農曆日期對照表》天文台公開的 1901–2100 年逐日對照表（純文字版，含二十四節氣）。本站農曆日期、農曆年干支、生肖、節氣一律以此為最終裁決，不用自行推算的朔望結果覆蓋官方數值。天文台另有 2023–2028 的 CSV 版（滾動窗口），本站在構建時把兩份官方資料逐日對拍，任何一日不一致即中止構建。
Jean Meeus《Astronomical Algorithms》第七章（儒略日）與第二十五章（太陽視黃經）。本站用來求節氣交界時刻，以定月建（節氣為界，非農曆月為界）。節氣日期本身仍以天文台對照表為準，這裏只用交界時刻做同一日內的先後判斷。