私隱政策

本站唔設帳戶、唔要求登入、唔收集姓名、電話、地址或者出生日期，亦唔賣廣告。

你喺本站輸入嘅嘢

農曆換算同事項選擇器嘅輸入，只用嚟即時計出你要嘅答案。換算喺伺服器行完就算， 唔會寫入任何資料庫、唔會同你嘅身分掛鈎、亦唔會保留。

農曆生日查詢同太歲工具嘅公曆生日查詢都喺你部機度計，出生日期唔會傳去伺服器；分享連結只將查詢寫喺網址「#」後面， 呢部分唔會隨網頁請求送出。加入日曆檔喺你部機生成，唔會傳任何嘢去伺服器。為咗唔錄低網址入面嘅查詢， 農曆生日查詢一頁唔載入 Microsoft Clarity。

分析工具（Google Analytics 4）

本站喺生產環境使用 Google Analytics 4（GA4）統計頁面瀏覽，目的係知道邊幾版有人睇、 邊版冇人睇，以決定之後做咩。GA4 會喺你部機設 cookie，並且收集頁面網址、來源網站、 瀏覽器同裝置類型、以及概括嘅地理位置（城市／地區層面，唔係精確位置）。

我哋唔會喺 GA4 傳送任何可以識別你身分嘅資料，亦冇開啓 Google Signals 或者廣告個人化。IP 位址由 Google 喺收集時匿名化處理。呢啲數據我哋只用作彙總統計， 唔會用嚟評估任何個人。

唔想被統計，可以用瀏覽器嘅攔截擴充功能，或者安裝 Google 提供嘅分析停用附加元件。停用之後本站所有功能照樣用得。

Google 點樣處理呢啲資料，見Google 私隱權政策。

使用情況記錄（Microsoft Clarity）

本站喺生產環境使用 Microsoft Clarity，記錄訪客喺頁面上點樣操作：撳咗邊度、捲到邊度、 滑鼠點樣移動、睇咗邊幾版，並且會整合成熱圖同操作重播。目的係搵出邊啲位難用、 邊啲內容冇人睇到。Clarity 會喺你部機設 cookie，並且收集瀏覽器同裝置類型、 螢幕大細、來源網站、以及概括嘅地理位置。

輸入欄入面嘅內容會被遮蓋，唔會錄低。農曆換算同農曆生日查詢嘅輸入同結果成個區域亦設定咗遮蓋， 所以你查嘅日期唔會出現喺記錄入面。呢啲記錄我哋只用嚟改善版面，唔會用嚟識別任何個人。

唔想被記錄，可以用瀏覽器嘅攔截擴充功能擋走 clarity.ms。擋咗之後本站所有功能照樣用得。 Microsoft 點樣處理呢啲資料，見Microsoft 私隱權聲明。

主機供應商

本站寄存喺 Vercel。同任何網站一樣，主機層面會有標準嘅伺服器存取記錄（包括 IP 位址）， 用作運作同防濫用。呢啲記錄由 Vercel 保存，我哋唔會另行分析或者同其他資料合併。

Cookie

本站自己唔設任何 cookie。你揀嘅深／淺色設定存喺瀏覽器嘅本機儲存空間（localStorage）， 唔會傳去伺服器。GA4 嘅 cookie 由 Google 設，Clarity 嘅 cookie 由 Microsoft 設，見上面兩段。

你嘅權利

本站唔持有可以識別你嘅個人資料，所以冇嘢可以查閱或者更正。如果你認為我哋喺某方面 處理得唔妥，或者想我哋刪走同你有關嘅任何記錄，請電郵contact@tungshing.hk。

適用法例

本站唔收集個人資料；如日後涉及個人資料處理，將依循香港《個人資料（私隱）條例》（第 486 章）。

修訂

本政策如有修訂，會直接喺呢一頁更新。本頁最後更新：二零二六年九月三十日。