私隱政策

本站唔設帳戶、唔要求登入、唔收集姓名、電話、地址或者出生日期，亦唔賣廣告。

你喺本站輸入嘅嘢

農曆換算同事項選擇器嘅輸入，只用嚟即時計出你要嘅答案。換算喺服務器行完就算， 唔會寫入任何資料庫、唔會同你嘅身分掛鈎、亦唔會保留。

分析工具（Google Analytics 4）

本站喺生產環境使用 Google Analytics 4（GA4）統計頁面瀏覽，目的係知道邊幾版有人睇、 邊版冇人睇，以決定之後做咩。GA4 會喺你部機設 cookie，並且收集頁面網址、來源網站、 瀏覽器同裝置類型、以及概括嘅地理位置（城市／地區層面，唔係精確位置）。

我哋唔會喺 GA4 傳送任何可以識別你身分嘅資料，亦冇開啓 Google Signals 或者廣告個人化。IP 位址由 Google 喺收集時匿名化處理。呢啲數據我哋只用作彙總統計， 唔會用嚟評估任何個人。

唔想被統計，可以用瀏覽器嘅「Do Not Track」／攔截擴充功能，或者安裝 Google 提供嘅分析停用附加元件。停用之後本站所有功能照樣用得。

Google 點樣處理呢啲資料，見Google 私隱權政策。

主機供應商

本站寄存喺 Vercel。同任何網站一樣，主機層面會有標準嘅服務器存取記錄（包括 IP 位址）， 用作運作同防濫用。呢啲記錄由 Vercel 保存，我哋唔會另行分析或者同其他資料合併。

Cookie

本站自己唔設任何 cookie。你揀嘅深／淺色設定存喺瀏覽器嘅本機儲存空間（localStorage）， 唔會傳去服務器。GA4 嘅 cookie 由 Google 設，見上一段。

你嘅權利

本站唔持有可以識別你嘅個人資料，所以冇嘢可以查閱或者更正。如果你認為我哋喺某方面 處理得唔妥，或者想我哋刪走同你有關嘅任何記錄，請電郵contact@tungshing.hk。

修訂

本政策如有修訂，會直接喺呢一頁更新。本頁最後更新：二零二六年八月三十日。