干支

干支係十天干配十二地支嘅六十循環，用嚟標年、月、日、時；日干支係通勝好多層判定嘅起算點。

十天干：甲乙丙丁戊己庚辛壬癸。十二地支：子丑寅卯辰巳午未申酉戌亥。兩者順序相配，得六十個組合，循環一次叫一個甲子。

四柱嘅界綫唔同，好易撈亂：年干支以農曆正月初一為界（民間慣例，本站跟天文台對照表嘅標法）；月干支以節氣為界（交節先換）；日干支係連續循環，唔受年月影響。

本站列年、月、日干支；今日頁同單日頁展開「逐時攤開」亦會列時干支。鐘點按香港標準時間，未作真太陽時校正，近時辰交界要留意呢個限制。