納音

納音五行係六十甲子每兩柱配一個五行名目，例如甲子乙丑「海中金」、丙寅丁卯「爐中火」。

六十甲子分三十組，每組兩柱共用一個納音，各有一個象喻名（海中金、大林木、路旁土……）。傳統用喺論命同某啲擇日法。

本站喺日頁「干支」一行照紙本通勝列出當日納音（例如丁卯日寫「爐中火」），但一概唔會用納音做任何吉凶判定。原因唔係計唔到——係本站唔做論命；而擇日層面用納音嘅取法各家差異好大，冇一個可以公開引用嘅統一底本。

所以呢一欄同胎神占方一樣：照列，唔解讀。想查某柱係咩納音，下面張表查得到；本站唔會再走多一步，拎納音去推任何吉凶。